Injula ngenjumbane eyethulwa ngu-J.C. Buthelezi emsebenzini osihloko sithi: Impi yabomdabu isethunjini

Simple item page
dc.contributor.advisorKhumalo, Z.L.M.
dc.contributor.advisorMthembu, M.Z.
dc.contributor.authorNyathikazi, Cebisile Penelope
dc.date.accessioned2019-10-04T09:11:46Z
dc.date.available2019-10-04T09:11:46Z
dc.date.issued2017
dc.descriptionLwethulwa ukufeza izidingo zeziqu zobudokotela kwinzululwazi (Doctor of Philosophy) emnyangweni wezilimi zomdabu namasiko enyuvesi yaKwaZulu, 2017.en_US
dc.description.abstractLolu cwaningo lubheka injula ngenjumbane eyethulwa ngu-J.C Buthelezi emsebenzini osihloko sithi: Impi YaboMdabu Isethunjini. Isahluko sokuqala sibeke isethulo socwaningo esihlelwe ngokulandela lezi zihlokwana: Isingeniso, intshisekelo yocwaningo, izinhloso zocwaningo, izindlela zokuqhuba ucwaningo, imiklamo yocwaningo, imibono yongoti, abazohlomula kulolu cwaningo, uhlaka lwezahluko kanye nesiphetho. Isahluko sesibili sibheka izinsizakuhlaziya kanye nemibono yongoti. Lezi zinsizakuhlaziya zibe yisisekelo ekuthululeni le njula yenjumbane ekule noveli kaShenge. Insizakuhlaziya eyasungulwa e-Afrika ibheka ukubaluleka kokuzazi kanye nokuzigabisa ngokuba ngumnsinsi wokuzimilela e-Afrika. Insizakuhlaziya ebhekela abesifazane idingide imibono mayelana namalungelo abesifazane kanti insizakuhlaziya eyasungulwa ngu-Karl Marx imelene nenqubo yobungxiwankulu. Kule nsizakuhlaziya u-Karl Marx umelene nokuxhashazwa kwabasebenzi ezimbonini. Isahluko sesithathu simayelana nokuhlaziywa kwenjula ekule noveli kaButhelezi. Sidingida kabanzi ngempucuko yaseNtshonalanga esizweni samaZulu. Indikimba kulesi sahluko ubandlululo lwabaMhlophe olwalubhekiswe kwabaNsundu. Kubhekwa ukuthi lolu bandlululo lwaba namiphi imithelela ekuhlelekeni kwemindeni yabaNsundu, ukuganana, ukukhuliswa kwezingane, imfundo kanye nenkolo. Isahluko sesine sibheka injula equkethwe ngamagama abalingiswa kule noveli. Kunenkolelo yokuthi iyamangalisa injula yomlando equkethwe emagameni esiNtu ezwenikazi lase-Afrika. Kulesi sahluko kuvezwa ubuchule bukaShenge ekwetheni amagama agqamisa umongo wale noveli okuwubandlululo kanye nomyalezo afisa ukuwudlulisela esizweni esiNsundu. Isahluko sesihlanu kulapho kusongwa khona ucwaningo. Kucutshungulwe kwahlaziywa imiphumela yocwaningo. Kuhlaluke obala injula yenjumbane eyethulwe nguButhelezi kule noveli. Kubuye kwenziwa izincomo ekulungiseni umonakalo owadalwa ubandlululo. Esiphethweni kugcizelelwe iqhaza elingabanjwa yizifundiswa zabaNsundu kule mpi yaboMdabu esethunjini.en_US
dc.identifier.urihttps://hdl.handle.net/10530/1855
dc.language.isootheren_US
dc.publisherUniversity of Zululanden_US
dc.subjectImpi yabomdabuen_US
dc.subjectJ.C. Buthelezien_US
dc.titleInjula ngenjumbane eyethulwa ngu-J.C. Buthelezi emsebenzini osihloko sithi: Impi yabomdabu isethunjinien_US
dc.typeThesisen_US
Files
Original bundle
Now showing 1 - 1 of 1
Thumbnail Image
Name:
Injula ngenjumbane eyethulwa ngu-J.C. Buthelezi emsebenzini osihloko sithi Impi yabomdabu isethunjini.pdf
Size:
1.33 MB
Format:
Adobe Portable Document Format
Description:
Injula ngenjumbane eyethulwa ngu-J.C. Buthelezi emsebenzini osihloko sithi: Impi yabomdabu isethunjini / Indepth on the perniciousness (injumbane) presented by J.C. Buthelezi on the work titled: Impi yabomdabu isethunjini
Download
License bundle
Now showing 1 - 1 of 1
Thumbnail Image
Name:
license.txt
Size:
1.71 KB
Format:
Item-specific license agreed upon to submission
Description:
Download
Collections
African Languages