Ucwaningo Ngemizwa Yabalaleli Ngemidlalo Yomoya Kanye Nomthelela Wokuphindwaphindwa Kwemidlalo Emidala Emsakazweni Ukhozi Fm
| dc.contributor.author | Xhakaza, Sibusiso Sihle | |
| dc.date.accessioned | 2023-10-19T13:28:58Z | |
| dc.date.available | 2023-10-19T13:28:58Z | |
| dc.date.issued | 2022 | |
| dc.description | Lwethulwa Ukuphelelisa Izimfanelo Zeqhuzu Le- Masters Emnyangweni Wezilimi Zamdabu Namasiko Eyunivesithi Yasezululand. | |
| dc.description.abstract | Lolu cwaningo lucubungula imizwa yabalaleli ngemidlalo yomoya kanye nomthelela wokuphindwaphindwa kwemidlalo emidala emsakazweni Ukhozi fm. Lolu cwaningo lusebenzise izindlela ezahlukene zokuqoqa ulwazi okubandakanya nemposambuzo kubabambiqhaza ababekhethwe ngobunhloso (purposive sampling). Lolu ucwaningo olukhwalithethivu lusebenzise ipharadaymu yomhumusho (interpretive paradigm) kanye nenjulalwazi eyaziwa ngokuthi yi-social judgement theory. Emva kokuhlaziywa kwezimpendulo, kutholakale ukuthi abalaleli bayayithanda imidlalo emidala ngenxa yokuthi iyafundisa entsheni uma iqhathaniswa naleyo emisha. Emidala ivelele ngesiZulu sempela, iziyalo kanye nokugqamisa ukubaluleka kwamasiko nosikompilo lwesiZulu. Kuyahlaluka nokuthi imidlalo emidala isebenzisa isiZulu esamukelekile uma iqhathaniswa neyanamuhla esixuba kakhulu isiNgisi nolimi lwesitsotsi. Lo msebenzi wehlukaniswe waba izahluko ezinhlanu kanje: ISAHLUKO SOKUQALA Isahluko sokuqala siyisethulo socwaningo lapho umcwaningi endlalela khona ucwaningo olubhekisisa imizwa kanye nemibono yabalaleli mayelana nokuphindwa kwemidlalo emidala yomoya emsakazweni Ukhozi fm. Lapha umcwaningi udingide izihloko ezifana nenhloso yocwaningo, intshisekelo, umklamo, imibuzo, abazozuza ngocwaningo kanye nolwazi oluwumnikelo walolu cwaningo emkhakheni wezemidlalo. ISAHLUKO SESIBILI Isahluko sesibili sidingida imibono yongoti kanye nenjulalwazi esetshenzisiwe ukuhlaziya ulwazi oluqoqwe kulolu cwaningo. Lapha bekubhekwa ukuthi ongoti bathini ngesihloko socwaningo nokuthi ikuphi ababhali abake bakuzuza ngesihloko esikhuluma ngabalaleli bemidlalo yomoya esikhathini esiphambili. Injulalwazi icacisa kabanzi ngomhlahlandlela wocwaningo ukuze umcwaningi angazitholi esenhlanhlatha uma esehlaziya. viii ISAHLUKO SESITHATHU Isahluko sesithathu siqukethe izindlela ezisetshenzisiwe ukuqoqa ulwazi locwaningo. Umcwaningi usebenzise indlela yekhwalithethivu kanye nepharadaymu yomhumusho ukuqhuba ucwaningo. Umcwaningi uphinde wabheka nemiqulu eseke yabhalwa ababhali abehlukene mayelana nemidlalo yomoya. Kulesi sahluko kubhekwe ukuthi umcwaningi usebenzise ziphi izindlela kanye namathuluzi ukuzuza amaqiniso ocwaningo. Imposambuzo isetshenziswe kakhulu yase ilekelelwa yisiqophamazwi nephephamibuzo ekuqoqeni ulwazi olucwaningiwe. ISAHLUKO SESINE Isahluko sesine sineka obala konke okuphawulwe abalaleli bomdlalo womoya ngemidlalo kanye nokuphindwaphindwa kwaleyo emidala emsakazweni Ukhozi fm. Kuphindwe kwahlaziywa nezimpendulo zababambiqhaza, kwashicilelwa wonke amaqiniso abakwazile ukuwaveza kulolu cwaningo. Kucashunwe okubalulekile emazwini abawashilo kwase kudingidwa izindikimba ezivumbukile kulokho ababambiqhaza abanhlobonhlobo abakuveze njengokuyimizwa yabo. ISAHLUKO SESIHLANU Lapha kulesi sahluko kugxilwe ekusongweni kocwaningo. Lapha kuthintwe izihlokwana ezifana nezincomo, isihlaziyo kanye nesiphetho socwaningo. Kubheka ukuthi ikuphi okuzuziwe, ukubheka ukuthi ngabe imibuzo yocwaningo iphendulekile yini, ukudingida umthelela wocwaningo emkhakheni kanye nokuveza izingxenye ezisengacwaningwa abanye abalandelayo kule ndima. | |
| dc.identifier.uri | https://uzspace.unizulu.ac.za/handle/10530/2490 | |
| dc.language.iso | en | |
| dc.title | Ucwaningo Ngemizwa Yabalaleli Ngemidlalo Yomoya Kanye Nomthelela Wokuphindwaphindwa Kwemidlalo Emidala Emsakazweni Ukhozi Fm | |
| dc.type | Thesis |