Browsing by Author "Twala, Johan Moses"

Now showing 1 - 1 of 1
  • Thumbnail Image
    Item
    Tangoma nemisebenti yato ekutfutkukiseni lulwimi lwesiSwati
    (2005) Twala, Johan Moses; Lubisi, P.M.
    Lomsebenti ucwaninga ngekubaluleka kwetangoma nemisebenti yato ekutfutfukiseni lulwimi IwesiSwati. Kulapho kuvela khona kutsi buyini bungoma tutsi bubaluleke ngani emphilweni yesive ngekwemisebenti nangekwelulwimi. Sehlukosekucala setfula tinhloso telucwaningo, indzima noma umkhawulo welucwaningo, tindlela tekucwaninga letiluhlolomibuto (interview) nekufundvwa kwetincwadzi. Imigudvu yelucwaningo i1andzela indlela yemisebenti (Functional approach) nendlela yeluchumano (Communicative approach). Kulapho kuchazwe khona lokushiwo ngemagama lasisekelo salolucwaningo latana nalawa: sangoma, inyanga, lldloti, lugedla, kutfwasa/litfwasa nendumba. 5ehluko sesibili siniketa inchazelo ngalokuphatselene netangoma kusukela ekutfwaseni, timphawu tekutfwasa, kubhoboka kwelidloti, tinhlola, sangoma nebuhlobo, sangoma nemabitongco kanye nemabitomuntfu, sangoma naleminye imikhakha yemphilo, sangoma netinanatelo, sangoma nesitsembu, umtsakatsi, umtembi, sangoma nenhlonipho. Sehluko sesitsatfu setfula tingcikitsi letehlukene tetingoma tetangoma letihlelwe ngalendlela: A. Kufundzisa, kukhutsata nekumisa sibindzi. B. Kubalisa, umbusave nesimo senhlalo. -ivC. Lutsandvo, bunye nelubumbano. D. lnkholo, inkholelo nemlandvo. E. Emandla, inkhani nelunakashelo. Emasu ekwakheka kwetingoma letehlukene acwaningiwe. Sehluko sesine sicwaninga ngetangoma, tihlahla netifo. Kubukwe imitsi leyakhiwe ngetilwane tasendle, ngetilwane tasekhaya, tinyoni netimila letehlukene. Lapha kutsintfwenetinhlobo tetifo letimbalwa letelaphekako nembulalave loseseyinkinga lenkhulu kubelaphi. Sehluko sesihlanu siligcogca Iwalokucwaningiwe. Kulapho kuniketwe tincomo ngekubuka kuhleleka kwelucwaningo, tingoma nelulwimL imitsi nelulwimi kanye netifo nelulwimi. -